Կամոյանց Սուրբ Գևորգ Եկեղեցի
Կամոյանց Սուրբ Գևորգ եկեղեցի, հայկական, 18-րդ դարի եկեղեցի Թբիլիսիի հին հատվածում, Կառուցվել է Գաբրիել Կամոյանի կողմից: Կառուցման թվականը համարվում է կամ 1727 թ. կամ 1788 թ.: Ոչնչացվեց սովետական իշխանությունների հրամանով 1937-38թթ. ընթացքում Լավրենտի Բերյայի հրամանով քաղաքի այլ հայկական եկեղեցիների հետ միասին:
Քարափի Սուրբ Գևորգ Եկեղեցի
Քարափի Սուրբ Գևորգ եկեղեցի, հայկական եկեղեցի Թբիլիսիի հնագույն թաղամասերից մեկում` Քվեմո Կալայում: Եկեղեցին կառուցվել է 1753 թ, հայ առևտրական Պետրոս Զոհրաբյանի և նրա կնոջ` Լալիտայի կողմից: Իսկ 19-րդ դարում ամբողջովին վերանորոգվել է, և կառուցվել զանգակատուն և գմբեթ, Մինչև 1991 թ. Հայ Առաքելական եկեղեցի էր, իսկ 1991 թ-ին վերածվեց վրացականի:
Կաթողիկե Սուրբ Սստվածածին Եկեղեց
Եկեղեցին այլևս գոյություն չունի
Եկեղեցին գտնվում է հրապարակում:
Կուսանաց Սուրբ Ստեփանոս վանք
Կուսանաց Սուրբ Ստեփանոս վանք հայկական վանքային համալիր Թբիլիսիում: Վանքի կառուցման միտքը պատկանել է Մելիք-Աշխարբեկին, ում հայրը Թիֆլիսի էր տեղափոխվել Պարսկաստանից 17-րդ դարում: Սակայն Մելիք-Աշխարբեկ չի հաջողվում կառուցել վանքը, քանի որ նա 1724 թ-ին սպանվում է թուրքերի դեմ մղված ճակատամարտում: Նրա տղան` Նադիր Շահի հնդկական արշավանքի մասնակից Մելիք-աղան որոշում է ավարտին հասցնել իր հոր մտահաղացումը: Շուտով սկսվում է վանքի շինարարությունը: Նա նաև երկու միանձնուհի է հրավիրում Նոր Ջուղայում գտնվող Սուրբ Եկատերինա եկեղեցուց: Շինարարությունն ավարտվում է 1727 թ-ին:
Սակայն Վրաստանի անկախացումից հետո, վանքը վերածվում է վրացականի, որն ուղեկցվում է բազմաթիվ բարբարոսություններով: Դրանցից էր օրինակ վանքի հայկական խաչքարի ջարդումը, հայկական արձանագրությունների ոչնչացումը և այլն: Ներկայումս Կուսանաց Սուրբ Ստեփանոս վանքը գործում է որպես վրաց ուղղափառ:
Մուղնոյ Սուրբ Գևորգ Եկեղեցի
Մուղնոյ Սուրբ Գևորգ Եկեղեցի, 13-րդ դարի հայկական եկեղեցի Թբիլիսիում, Վրաստան, որն ամբողջովին վերակառուցվել է 1756 թ-ին:
Комментариев нет:
Отправить комментарий